Monumento aos Fusilados
Inaugurouse en 2001 no Campo da Rata, similar aos grandes megálitos prehistóricos, en homenaxe ás vítimas da represión franquista.
Foi deseñado por Isaac Díaz Pardo.
O lugar foi utilizado polos sublevados como campo de fusilamento de centenares de persoas apresadas, republicanos, sindicalistas e esquerdistas, xeralmente “sacados” do cárcere da Coruña e “paseados”.
A maior parte dos asasinados fórono durante o verán “quente” de 1936, pero ata datas tan tardías como marzo de 1937, xa como froito de xuízos levados a cabo polas autoridades franquistas, se seguiron producindo fusilamentos dos condenados a morte pola súa lealdade ao goberno republicano.
Composto por bloques de granito, nos que hai manchas de pintura vermella simbolizando o sangue dos fusilados, ten unha inscrición que di:
“Inmolados nestes campos fronte ao mar tenebroso por amar causas xustas. Presentes na lembranza do povo e do seu concello dá Coruña”.
Tamén figuran dous poemas, de Federico García Lorca e Uxío Carré Alvarellos.