Parque de Bens
Un dos espazos verdes máis singulares e emblemáticos da cidade.
Máis de 600.000 metros cadrados con excelentes vistas, ximnasio ao aire libre, parque infantil, zona exclusiva para cans e unha pequena fervenza artificial.
O Parque de Bens atópase na zona noroeste ocupando o lugar que durante décadas serviu como vertedoiro municipal. A súa transformación, iniciada a finais dos anos noventa e culminada coa inauguración no ano 2001, converteuno nun exemplo de recuperación ambiental e urbana modélica en Galicia.
O parque combina pradeiras, lagoas artificiais, camiños para pasear e correr, e varios miradoiros espectaculares dende os que se domina o océano Atlántico e o porto exterior. Os coruñeses empregan este espazo para gozar da natureza, facer deporte ou simplemente contemplar o mar e o ceo ao solpor.
Nos seus 78.000 mts cadrados de espazos de lecer, o Parque de Bens pasou de símbolo de contaminación a pulmón verde e punto de encontro cidadán.